ரணில் விக்ரமசிங்க பிரதமராக சத்தியப் பிரமாணம் செய்ததை அடுத்து நீர்கொழும்பு நகரில் பாற்சோறு பகிர்ந்து கொண்டாட்டம்

இன்று ரணில் விக்கரமசிங்க  ஜனாதிபதி முன்னிலையில் பிரதமராக சத்தியப் பிரமாணம் செய்தததை அடுத்து நீர்கொழும்பு மணிக்கூட்டு கோபுரம் அருகில் ஐக்கிய தேசியக்கட்சி ஆதரவாளர்கள் பாற்சோறு பகிர்ந்து பட்டாசு கொளுத்தி கொண்டாடினர். நகரின் சகல பிரதேசங்களிலும் பட்டாசு கொழுத்தப்பட்டது.

ஐக்கிய தேசியக்கட்சியின் நீர்கொழம்பு பிரதான அமைப்பாளரும் மாநகர சபையின் எதிர்க்கட்சித் தலைவருமான ரொயிஸ் பெர்னாந்துவின் தலைமையில் நீர்கொழும்பு மணிக்கூட்டு கோபுரம் அருகில நிகழ்வு இடம்பெற்றது.

நீர்கொழும்பு விஜயரத்தினம் இந்து மத்திய கல்லூரி பழைய மாணவர்களின் (power Friends 98) ஒன்று கூடல் நிகழ்வு

நீர்கொழும்பு விஜயரத்தினம் இந்து மத்திய கல்லூரியில்  1998  ஆம் ஆண்டு கல்விப் பொதுத்தராதர சாதாரண தரத்தில் கல்வி  கற்ற மாணவர்களின் (power Friends 98) ஒன்றுகூடல் நிகழ்வு  ஞாயிற்றுக்கிழமை (9-12-2018) நீர்கொழும்பு போருதொட்ட வீதியில்  அமைந்துள்ள  The Kings Bay Hotel இல்  சிறப்பாக நடைபெற்றது.

இந்நிகழ்வில்  அன்று மாணவர்களுக்கு கற்பித்த வகுப்பாசிரியர்கள் மற்றும் உடற்கல்வி ஆசிரியர்  ஆகியோர் சிறப்பதிதிகளாக அழைக்கப்பட்டிருந்தனர். நிகழ்வில் பழைய மாணவர்களின் குடும்ப அங்கத்தவர்களும் பங்குபற்றினர்.